Hindi ko akalaing dito patutungo,
Lihim na pagtinging itinatago ng puso ko,
Laking tuwa ko ng aking mapagtanto,
Na ikaw, katulad ko'y may pag-ibig ding itinatago.
Pangako ko sa iyo aking minamahal,
Pag-ibig ko'y di magmamaliw, mundo man ay magunaw,
Lagi kang gagabayan sa hirap ng buhay,
Kailama'y di maghahanap ng anumang kabayaran.
Sapagkat ang pag-ibig na sa iyo'y inaalay,
Sadyang wagas at busilak, dalisay magpakailan pa man,
Nakahandang magpasakit, magsakripisyo at masaktan,
Kung ang kapalit noo'y kaligayahan mo aking mahal.
No comments:
Post a Comment