Thursday, August 11, 2005

Ayoko Na!

2 days na lang, midterm na namin sa IS 238. Hanggang ngayon, Module 3 pa rin ako. Ang hirap intindihin ng subject kasi hindi ko talaga gusto. Pakialam ko ba naman sa client-server programming. Tapos me pa Linux-linux pa. Env nga ng MS lula pa ako, Linux pa.

Maaga na naman ako nyan gigising para humabol sa 7am na byahe. Pagkatapos uupo na naman ako sa nagsisiksikang Van ng dalawang oras. At pagkatapos kakain ulit sa KFC ng chiken fillet (ah me crispy chiken fillet na pala).

Kakayanin ko pa ba ito? Hindi kaya nagsasayang na naman ako ng pera pambayad ng tuition fee? Makakapasa kaya ako? Makakagraduate ba ako?

Ayoko na!

Monday, August 08, 2005

Hanggang Sa muli

Six years ago...

Scheduled for final interview ako sa Innodata noong araw na iyon. Habang naghihintay akong tawagin, may nakatabi akong isa ring 1babae, siguro for final interview rin. Maganda sya, maputi, payat, maamo ang mukha.. ah siguro mabait ito. Nginitian ko sya.. gumanti rin ng ngiti.

Hanggang sa nagpakilala sya. GB daw ang pangalan nya, tama, for interview din daw sya. Ang sagot ko naman ako din, sana mahire nga kami sa work. Nauna syang pinatawag sa loob.. maya maya ako na ang ininterview. Paglabas ko ng room, andon pa rin sya, sabi nya sabay na lang daw kami maglunch.. since na magaan naman ang loob ko sa kanya, sumabay din ako.

Kumain kami sa Graceland, since nga na magaang nga ang loob ko sa kanya, masaya ang naging kwentuhan namin.. nakuwento ko ang buhay ko, ang lovelife ko at kung anu ano pa... masaya ang naging pag-uusap namin.. At pagkatapos umuwi na kami.

Nung unang araw ng pasok namin sa work, nakita ko ulit sya, kaso dahil sa inayos ang upuan namin according sa surname namin, medyo malayo ako sa kanya and iba ang manager nila. Pero kahit ganoon, di ko pa rin nakakalimutan na batiin sya kada papasok ako at uuwi sa trabaho.

Natutuwa ako sa kanya kasi pareho kaming mahilig sa accessories. Nung nauso ang pearl necklace, pareho kaming meron noon. Pero dahil gusto lagi namin na nauuna sa uso, pareho na din naming di sinuot noong time na sobrang common na ng pearl necklace.

Hanggang sa dumating yung araw na napromote kami. Naging magkakasama kami noon sa isang project. Along with Ces na isa ko ring friend, kami yun medyo naging magkavibes. Hindi ko nga makakalimutan yun pagkatapos ng christmas party, doon kami ni Ces nakitulog sa kanya. Palagi ko rin silang inaupdate ng lovelife ko. Sila rin ang kasama ko nung first akong tumuntong ng Bar, uminom at nalasing. Marami rin bagay na sineshare sa akin si GB, nung naging sila ni nung BF nya, sa akin din nya sinabi yun.. kapag me lakad sila sinasama nya ako.

Si GB rin ang taong sobrang bait. Although minsan, di kami nagkakasundo nyan dahil sa trabaho, pero sa personal na buhay, di kami nag-aaway nyan.

Noong time na nabuo ang grupong D' Girls, ako ang kasama nila na "now you see, now you don't", pero sa lahat, si GB lang ang matyagang magyaya pag lunch break, pag breaktime, pag me gimmick (ang videoke, ang pepperland, ang gaisano).

At ngayon, bigla bigla, nabalitaan namin na aalis na pala si GB, titira na sa US.. although me nabanggit na yun BF nya noon na me plans si GBs na manirahan doon pero di namin expected na ganon kadali. Biglaan din ang resignation nya... basta feeling ko non nasa state of shock ako.

Nung nagkayayaan pumunta sa pepperland, kung bakit naman ang taas taas ng lagnat ko... nalungkot ako noon sobra... sabi ko di bale me plan naman na despedida party, doon ako sasama.

Bago dumating yun araw ng party, pinagplanuhan na kung ano ang mga surprises na ibibigay... nagkaroon din kami ng video footage, tapos inisa isa kaming ininterview. Marami akong nakwento, pero nakakatawa pala pag magsasalita ka sa harap ng cam... akala ko drama lang yun ginagawa ng artista na naiiyak sa harap ng cam, pero pag ikaw na ang nagkukwento, di mo talaga mapipigilan...

Araw ng party, nauna kaming pumunta sa bahay ng bf ni gbs, nilagyan ng banner, hinanda yun foods ang nagpractice ng song. Although medyo di maganda yun simula dahil medyo natunugan na nya na me surprise party, maganda pa rin ang kinalabasan. Pinanood namin yun Video na gift, tapos nagkantahan kami.. Nung malapit ng matapos, di ko na napigilan ang sarili ko na umiyak. Umiyak ako kasi sobra akong naging close sa kanya... umiyak ako kasi, nabawasan na naman ako ng mabait na friend (though makakapag usap pa naman kami though net), umiyak ako kasi napakaswerte ko na nagkaroon ako ng friend na gaya nya. Yinakap ako ni Gb at di pa rin huminto ang pag-iyak ko.

Bago kami umuwi... me binigay akong token sa kanya. Isang bote na me mga short messages sa loob. Bote kasi mahilig kaming gumimick... me messages kasi mahilig syang magsend ng text messages.

Sa ngayon, di ko pa kayang makinig sa Through the Rain na kanta kasi naiiyak pa rin ako.. at habang ginagawa ko ito, di ko talaga napipigilang lumuha (ang drama talaga ng lola, tsk tsk tsk).

Sana Gbs, sa muli nating pagkikita di mo pa rin nakakalimutan ang friendship natin.

Hanggang sa muli....

Monday, August 01, 2005

Stage GF

Hay naku... ang hirap pala ng feeling pag special sa iyo yung taong nagpeperform sa stage...

A month ago, binalita ng bf ko na sumali sya sa isang acting workshop, sabi ko naman ok lang tutal acting workshop lang naman.. at least makakatulong pa yun sa kanya tapos biniro ko pa sya na after nya ng workshop pwede na syang mag audition sa talent center ng abs cbn...

Later on, I found out na hindi pala simpleng acting workshop ang sinalihan nya... Isa pala itong local star search... susme... para palang SCQ o kaya Starstruck! Ang masama pa, every week, magkakaroon sila ng presentation.

Natakot ako.. sobrang exposure ito for him... worst is... paano pag nakita sya ng family ko... paano kung me loveteams, paano kung maraming magkagusto sa kanya, paano kung di lang girls pati bading... (teka teka, bat ko naman inisip yon e hamak naman na me star quality pa ako sa kanila.. hmmp!)

On the brighter side.. inisip ko naman... baka makatulong rin kaya ang maging exposed. Kaya kahit gusto ko man sabihin na magback out na sya... binigay ko na lang ang utmost support sa kanya.

Dumating ang friday, sinamahan ko sya sa rehearsal.. naku habang nakaupo kami sa malayo.. halos maputol na ang leeg ng mga kasama nya sa kasisilip... siguro nagulat sila na me kasamang girl ang honey ko. Pero di naman ako nagtagal kasi me appointment din ako.

Araw ng sabado... 5 mins before 3, pumunta na ako dun sa pagdarausan ng presentation... di alam ng honey ko.. kinontact ko yun 2 friends for reinforcements.. kaso malas, malelate pa yata kaya ako muna mag isa ang nanood. Di ko maintindihan ang feeling ko.. Sobrang nerbyos.. pareho ng feeling ko everytime na kakanta ako or sasayaw sa harap ng stage...feeling ko nga ako na ang magpeperform... Hindi na ako mapakali sa inuupuan ko... eksaktong 3pm... dumating si Jay.. hay salamat... maya maya.. nag umpisa na yung show... nung production number na... kinabahan na naman ako... tapos, nakita ko na yun honey ko... Abah! project ang lolo.. feel na feel ang pagsasayaw nya ng chocolate. After the production number medyo nakahinga na ako ng maluwag. Maya maya dumating na si Ambhie... hay salamat.. kumpleto na kami...Dumating na yung oras ng acting... bale... bubunot sila ng scene na ipoportray nila... May bading, may priest, may manager at me tatay... E kaso dahil ika number six sya sa lalaki, last syang magpeperform. Pagkatapos magperform ng mga kasama nya.. abah.. kelangan palang magcritic ng jurors (mala SCQ ang drama).. me mga nasabihan na wala namang K dahil sa kachakahan... may mga pacute, me sinabihang naging statue lang during performance... lalo tuloy akong kinabahan...ano kaya ang sasabihin nila sa honey ko.. ok lang na ako ang mang-okray pero ayokong me mang-okray sa honey ko...baka hindi ako makapagpigil at sabunutan ko ang mga yon. Dumating na ang oras ng performance nya... hawak hawak ko ang kamay ni Ambhie habang papalabas sya ng stage... pareho na pala kami pigil hininga that time (parang yun nafeel ko sa War of the Worlds habang hinuhunting si Tom Cruise at Dakota Fanning ng aliens).. Maganda naman ang nabunot nya, yung priest... maganda din yun comments sa kanya ng juror... at nakahinga kami ng maluwag sabay palakpak.

After the show.. hinintay na namin ang honey ko... magdidinner pa sana sya kasama nung iba pang talents pero pinili nya na sumama sa amin. Natatawa ako kasi super okray talaga kami sa production... pero masaya pa rin ang naging kwentuhan namin after.

Next week... performance uli... kakabahan na naman ang lola mo sa mga mangyayari... sana mapili sya sa finals...

Hayy.. ang hirap maging stage GF.

Subscribe Now: Feed Icon