Sanctity of Marriage...

Sa huwes man o sa simbahan, iisa ang sinusumpaan ng mag asawa.

"I, ___ take you, ___ for my wife/husband, to have and to hold, from this day forward, for better, for worse, for richer, for poorer, in sickness and in health, until death do us part."

Nagsumpaan silang magsasama habang buhay. Kahit anong mangyari sila pa rin...

Ang kasal ay isang seremonya kung saan pinagbubuklod ang dalawang nilalang, sa harap ng batas, sa harap ng tao at sa harap ng Diyos (para sa mga Kristyano). Kung tutuusin napakasagrado ng seremonyang ito.

Bata pa lang ako, pinamulat na sa akin ang kahalagahan ng kasal. Para sa akin, ito ang nagbubuklod sa dalawang nilalang para maging isa at makapagtaguyod ng isang masayang pamilya. May mga pagkakataon na merong mga mag asawa na hindi nabibiyayaan ng supling, subalit hindi pa rin yon hadlang para sila ay hindi matawag na pamilya.

Lumaki ako sa pamilyang punung puno ng pagmamahal at pagpapahalaga. isang taon pa lang ako nasa malayo ang tatay ko para magtrabaho, naging matapat sya sa nanay ko. Dalawang taon pa ang nakalipas bago ako isinilang, pero hindi yun nakapagpabago sa pagsasama nila kahit nasa Mindoro ang tatay ko at minsanan lang kung umuwi. At hanggang ngayon kami'y nanatiling buo. Noong umabot ako sa kolehiyo, muli itong nabigyang halaga ng psychology teacher ko. Hindi rin ako naniniwala sa live in. Ang sabi ko sa sarili ko, balang araw, kapag nakatagpo ako ng nilalang na para sa akin ay mamahalin ko ng buong buo. Mamumuhay ako ng naaayon sa batas ng tao, at ng sanlibutan. . Pagpapahalagahan ko ang kasal dahil iyon ay sagrado.

Pero bakit may mga taong hindi naniniwala o nagpapahalaga sa kasal?

Sa panahon ngayon, kaliwa't kanan ang hiwalayan... iba't iba ang dahilan. May nagbabago ang isip, may nambabae, may nakakabuntis ng iba, may nambubugbog, may nanlalalake at iba pa. Bakit kahit kinasal na sila naiisipan pa rin nila ito? Dahil ba sa kawalan ng respeto? Kawalan ng pagmamahal? O walang pagpapahalaga sa sinumpaan?

Nakakalungkot isipin.... ilang na lang ba ang tao sa mundo ang naniniwala sa kasal? Mga taong nagbibigay respeto dito? Nakakalungkot pero siguro nabibilang na lang sa daliri...

Ang kasal ba sa ngayon ay maituturing na sa papel na lang? Kadalasan ko yang naririnig. Sa papel lang yan!!! Ang sakit pakinggan. Hindi ka naman pumayag magpakasal kung hindi mo mahal ang pakakasalan mo di ba. Hindi ka manunumpa kung wala ka naman balak magtagal. Hindi ka manunumpa kung hindi ka rin maninindigan. Pinipilit mong magpakabuti pero sadyang may mga taong walang respeto sa kasal at sa kapwa.

Posible kaya na may kinalaman ang kinagisnan ng isang nilalang? Posible ba na kapag lumaki sa broken family ang isang tao ay mawalan sya ng respeto sa kasal o sa kanyang asawa? Siguro...

Subalit hindi ko naman sinasabi na ang isang tao ay magpakaperpekto. Paminsan minsan ay nagkakamali rin. Subalit ang pinakaimportante ay ang marealize ang pagkakamali. Humingi ng tawad sa asawa (o kung di man masabi, bawiin sa ibang bagay), at wag ng uliting muli ang ginawang kasalanan. Magsilbing liksyon na ang pagloloko at kawalan ng respeto sa asawa ay walang maidudulot na buti sa ating buhay.

Mahalin ang asawa, mahalin ang pamilya. Magbigay ng respeto at pagmamahal para sa tahimik at maligayang pagsasama.

Pamper and Style

Eheads Reunion Concert

Sa wakas makakapanood na ako ng concert ng eheads at take note sa reunion concert pa nila.

High school pa lang kasi ako super fan na ako ng eheads, naalala ko noon 4th year kami at palagi kong kinakanta at pinagparaktisan sa gitara ang toyang at pare ko. College ako nung makabili ako ng album ng eheads (katas ng scholarship allowance hehehhe)yun cutterpillow. Halos muntik ng kainin nung cassette yun tape kasi paulit ulit na lang sa pagplay..

College din ako nun nung nagkaroon ng concert ang Eheads sa Legazpi City. Super excited ako non at talagang pinamalita ko sa classmates ko.. ang kaso... gabi ng concert yun best friend ko na nangako na sasamahan ako nagback out!!!!!!!! Ayun hindi ako nakapanood tapos yun mga classmate ko na wlang ka interes interes eh sila pa ang natuloy at nasa unahan pa.

At sa hinaba haba ng panahon.. sino ba ang mag aakala na sa wakas ay may reunion sila... sa tulong ng aking friend na moderator ng The Dawn Listers na si Anjabel.. sinama nya ako sa VIP list ni Buddy (o di ba ang saya!!!!)...

Excited na talaga ako...super super super!!!!



Subscribe in a reader