Free Gizmos

Check out this link Free mobile gadgets..


Referal ID is 90655579

Worth a try...

All time favorites

McDo, Jollibee, Pizza Hut, Chowking, Goldilocks, Burger Machine..... ito ang isa sa mga dahilan kung bakit ko piniling manatili sa Evangelista. Ang tirahan namin ay napapaligiran ng pagkain! Mula sa mga sikat na fast food hanggang sa bulaluhan, tapsihan, pares, turu turo, barbequhan, kakanin, balot, pugo, mani, fishball, nilagang sweet corn at marami pang iba, hindi pa kabilang dyan ang 24-hour convenience stores na 7-eleven, Mercury Drug at South Star Drug. Hay.. pag ganito namang nagdidyeta ka eh talagang mahirap pigilan ang pagkain!

Pero sa lahat ng nabanggit ko, meron lang akong mga piling pagkain na gustung gusto ko (at ng kapatid ko hehehe).

Una sa listahan ko ang tapsilog. Kahit alas tres ng madaling araw ay makakabili ka ng tapsilog sa Spare Strike, 24 hours a day, 7 days a week bukas ang sikat na tapsilugan sa kanto ng Evangelista at Gen. Calles. Bukod sa napakasikat nilang tapsilog (tapa-sinangag-itlog), meron din silang tocilog(tocino-sinangag-itlog), dasilog(daing na bangus-sinangag-itlog), longsilog (longganisa-sinangag-itlog), porksilog (porkchop-sinangag-itlog) at ang hindi ko pa natitikman na horsilog, hors.. oo horse nga as in tapang kabayo.



Pangalawa sa aking listahan ang kinagigiliwan ngayon ng maraming tambay... ang calamares, ito ay ang hinati hating katawan ng pusit na ginulong sa breadcrumbs at pinirito. Ewan ko ba, ngayon ko lang kasi talaga napansin na mayroong nagtitinda ng calamares. At take note, palagi akong nauubusan kasi mabili talaga. Ngayon nga wala na naman ako nabili, wala tuloy ako maipost na pix.

Pangatlo sa aking listahan ang isaw na manok. Hindi ito yun barbeque na isaw. Gaya ng calamares, ito ay pinagulong din sa harina at pinirito. Kaya ang isaw... very crunchy! Bagay na bagay sa suka na may sibuyas at sili... hmm Yummy!



Naku nagutom na tuloy ako... kain muna ako ng tapsilog...

Induction Cooker

Nabalita sa akin ngayon ng mama ko na meron daw Appliance Festival ngayon sa gaisano. Sa paglalakad nya, nakita nya ang isang kalan na may kakaibang way ng pagluluto. Tawag pa nga nya dito ay flameless range. Naging interesado ako kaya nagsaliksik ako dito sa net kung ano ba talaga ang flameless range.

Ayon sa wikipedia, ang flameless range or mas kilala sa tawag na "Induction Cooker" ay gumagamit ng "induction heat" sa pagluluto. Hindi lahat ng type ng kaldero at kawali gaya ng glass, aluminum ay pwedeng gamitin para dito. Ito ay gumagamit lamang ng "Ferromagnetic"- coated pot. (Pero sabi ng mama ko pwede na daw ang manipis na stainless heheh).

Ang induction cooker ay mas mabilis makapagluto kumpara sa mga gas range at mas maliit ang konsumo nito sa koryente kumpara sa isang electric stove. Hindi rin nakakapaso ang induction cooker. Kahit hawakan mo ang caserola mo na may kumukulong tubig ay hindi ka mapapaso. Isa pang maganda dito, kapag tinanggal mo ang caserola mo ay automatic itong namamatay (tamang tama ito sa aking kapatid na ubod ng ulyanin hehe).